Turkiya prezidenti Rajab Toyyib Erdo’g’an mamlakatda zilzila qurbonlari soni 35 mingdan oshganini malum qildi. Bu 1939 yilgi zilziladagidan ham ko’p, bu esa fevraldagi tabiiy ofat Turkiya Respublikasi tarixidagi eng vayronkor hodisa bo’lganini anglatadi.
So’nggi rasmiy malumotlarga ko’ra, Suriyaning isyonchilar nazoratidagi anklavi hamda Damashqdagi hukumat nazorat qiladigan boshqa hududlaridagi qurbonlarning jami soni 5 800 kishini tashkil etmoqda.
«Turkiyada ikki zilziladan jabrlangan 10 viloyatda yashovchi bolalarning jami soni 4,6 million nafarni tashkil etadi. Suriyada esa tabiiy ofat 2,5 million bolani chetlab o’tmagan», deya xabar qildi jurnalistlarga YUNISEF matbuot kotibi Jyeyms Elder.
Qahramonmarashning boshqa hududida qutqaruvchilar zilzila va keyingi silkinishlardan omon qolgani taxmin qilinayotgan bir oilaning uch vakili – buvi, ona va qizni topishga harakat qilmoqda.
Turkiya nashrlariga ko’ra, qutqaruvchilar yana bir necha joylarda omon qolganlarni topishga umid qilmoqda, bu nuqtalarda xarobalar ostida hayot alomatlari sezilgan.
Seshanba kuni Turkiya prezidenti Erdo’g’an qutqaruv ishlariga jami 249 ming kishi jalb etilganini malum qildi.