Главная / Жамият / Хуфтон намози неча ракат? қандай ўқилади?

Хуфтон намози неча ракат? қандай ўқилади?

Хуфтон намози неча ракат?

Хуфтон намози тўрт ракат фарз, икки ракат суннатдир.

Хуфтон намозининг тўрт ракат фарзи пешин намозининг тўрт ракат фарзи каби ўқилиб, фақат ният фарқли бўлади. …Шу вақт хуфтон намозининг фарзини… дейилади. Хуфтоннинг икки ракат суннати ҳам бомдод ва шом намозларининг икки ракат суннатлари каби ўқилади.

ВИТР НАМОЗИ

Витр намози  уч ракат вожибдир. Витр вожиб бирор сабаб билан вақтида ўқилмаса, қазоси ўқилади. Витр намози хуфтон намозидан кейин ўқилади.

Витр намози бу тартибда адо этилади:

Ният. Ниятда … шу вақт витр вожиб намозини … дейилади.

Ифтитоҳ такбири.

Сано ўқилиб “Аузу” ва “Бисмиллаҳ” айтилгач

Фотиҳа ва яна бир сура ўқилади.

Руку.

Ва икки марта сажда қилинади ва

Иккинчи ракатга туриб, “Бисмиллаҳ” айтилиб, Фотиҳа ва яна бир сура ўқилади.

Руку.

Ва икки марта сажда қилинади.

Сўнг чўкка ўтириб, ташаҳҳуд ўқилади.

Учинчи ракатга туриб “Бисмиллаҳ” айтилиб, Фотиҳа ва яна бир сура ўқилади ва

«Аллоҳу акбар», деб қўллар қулоқ тўғрисигача кўтарилади. Сўнг:

Қўл яна қовуштирилиб, киндик остида тутилади ва Қунут дуоси ўқилади.

ҚУНУТ ДУОСИ

“Аллоҳумма инна настаинука ва настағфирук. Ванумину бика ва натаваккалу алайка ва нусний алайкал кҳойр. Нашкурука ва лаа накфурук. Ва накҳлау ва натруку май-яфжурук. Аллоҳумма ийяка набуду ва лака нусоллий ва насжуду ва илайка наса ва наҳфиду наржу роҳматак(а). Ва нақша азабака инна азабака бил куффари мулҳиқ”.

Маноси: “Ё Аллоҳ! Биз Сендан ёрдам сўраймиз, гуноҳларимизни афв етишингни тилаймиз. Сенга имон келтирамиз  ва Сенга таваккул қиламиз. Ва Сенга ҳамд айтамиз. Бизларга берган нематларингга шукр қиламиз ва ношукрлик қилмаймиз. Сенга итоат қилмайдиганлардан ажраламиз, улардан узоқлашамиз”.

“Ё Аллоҳ! Биз фақат Сенга қуллик қиламиз, Сен учун намоз ўқиймиз. Сенга сажда қиламиз. Сенинг розилигингга интиламиз ва талпинамиз. Раҳматингдан умид қиламиз, азобингдан қўрқамиз. Ҳеч шубҳа йўқки, Сенинг азобинг кофирларга бўлади”.

Сўнг руку ва икки марта сажда қилинади ва чўкка ўтириб, ташаҳҳуд, салавот, дуо ўқилади ва икки елкага қараб салом берилади. Шу билан намоз тугайди ва дуо қилинади.

Ҳаққимизда Sohib

Яна маълумот

%d0%b1%d0%b5%d0%b7-%d0%bd%d0%b0%d0%b7%d0%b2%d0%b0%d0%bd%d0%b8%d1%8f

Жума куни кайси куш уча олмайди?

Пайшанбе куни улган куш жума куни уча олмайди.