Биринчи кеча жинсий алоқа (чимилдиқ)

Ёш жуфтлик учун керакли малумотлар.

Ҳар бир эркак ва аёлнинг ҳаётида юз берадиган биринчи жисний алоқа айнан чимилдиқда бўлишини маданиятимиз, урф-одатимиз тақазо этади. Умуман олганда чимилдиққа кириш бахтига мушарраф бўлганлар бор, бўлмаганлар ҳам бор. Ҳар қандай ҳолатда ҳам илк жинсий алоқа вақтида барча жуфтларда табиий равишда ўзига хос ҳаяжонланиш ҳолати кузатилади. Хўш, илк қовушиш кўнгилдагидек, есда қоларли бўлиши учун нималарга аҳамият бериш керак? Бугунги мақоламиз шу ҳақида. Эксперт андролог-сексопатолог Дилмурод ЭРГАШЕВ.

Ой кунларининг сурилиши…

Тўй кунидаги ҳиссиётларни бошқариш қийинлиги рост. Ахир икки-уч юз кишининг диққат марказидасизу, ҳаяжонланмай бўладими?! Бироқ шунда ҳам ўзингизни қўлга олишга ҳаракат қилинг. Чунки эмосионал ҳолатдаги қисқа бузилишлар ҳайз кўриш, айримларда бош ва мушакларда оғриққа ҳам сабаб бўлади. Тинчлантирувчи ёхуд оғриқсизлантирувчи препаратларга яхшиси мурожаат қилманг (агар жиддий сабабингиз бўлмаса). Ушбу турдаги воситаларнинг аксарияти қонни суюлтириши бу эса ҳайз миқдорининг ортишига олиб келиши мумкин.

Биринчи никоҳ кечаси келинчакнинг ҳайзи бошланиб қолса, қовушилмайди. Буни яхши биласиз. Аммо айрим уддабурон янгалар, «Ажралма миқдори оз бўлса, зарари йўқ, вақтни чўзмайлик» дея таваккал қилишдан ҳам чўчимайдилар. Ваҳоланки, бундай ҳолатда қовушиш тиббиётда ҳам, динимизда ҳам ман этилади.

Жинсий алоқа вақтида оғриқ…

Ёдингизда бўлса саҳифамиз орқали вагинизм ҳақида сирлашгандик. Қин мушакларининг спазми билан кечадиган вагинизм яқинликка монелик қилиб, эр-хотин қовушолмайди. Касаллик сабаблари орасида биринчи никоҳ кечасидан ҳадиксираш, хусусан оғриқ ҳақидаги тасаввурлар ҳам бор.

Аслида, ҳам илк кечада оғриқ бўладими ёки йўқ? Бу аввало куёвнинг муомаласи, ҳатти-ҳаракати ва келинчакнинг умумий аҳволига боғлиқ. Тана қанчалик зўриқса, мушаклар таранглашади. Натижада қовушиш пайти оғриқ ёки қиндан қон кетиши ҳам мумкин. Чунки бу пайтда қин мушаклари тортилиб, қовушишни осонлаштирадиган шилимшиқ модда ажралиши юз бермайди.

Туғруқдан сўнг, “чилла” пайтида жинсий алоқа қилиш мумкинми?

Оғриқ, жинсий азо касалликлари туфайли ҳам келиб чиқиши мумкин. Шу боис ҳам тўйдан аввалги тиббий текширув ғоят муҳим саналади.

Қизлик пардаси сақланиб қолса…

Ажабланманг, шунақаси ҳам бўлади. Аслида, иффат пардаси қин даҳлизи ва унинг бўшлиғи орасида тахминан 1,5-3 см. ичкарида жойлашган шиллиқ қават бурмаларидан иборатдир. Гимен, яни қизлик пардаси анатомик тузилишига кўра бир неча турларда фарқланади. Тиббиётда қизлик пардасининг бузилиши дефлорасия деб аталиб, бу ҳодиса биринчи никоҳ кечаси юз беради. Дефлорасиянинг содир бўлмаслиги қизлик пардасининг чўзилувчанлиги, мустаҳкамлигига ҳам боғлиқ бўлиши мумкин. Шунингдек, иффат пардаси қон-томирлар ва асаб толалари билан ўта сийрак таминланса ёки улардан бутунлай холи бўлса, қон чиқиши ва оғриқ рўй бермаслиги эҳтимоли мавжуд.

Тўйдан кейин бир неча кун давомида дефлорасия содир бўлмаса, шубҳага берилмай гинеколог кўригига бориш зарур. Мутахассис қизлик пардасида кичик кесимларни амалга ошириб, дефлорасия осонлашиши учун имкон пайдо қилади.

Биринчи қовушишдан сўнг 3-5 кун давомида жинсий яқинликдан сақланиш лозим. Шу кунлар давомида гигиена қоидаларига тўлиқ риоя этилса, қизлиқ пардасининг чеккалари битиб, кейинги алоқа оғриқ ва асоратларсиз кечади.

Чимилдиқда кўп такрорланадиган хатоликлар.

Базида қовушишдан сўнг қизлик пардасининг бузилиши эвазига ажралган қон суюқлиги ичга кетиб қолади. Бунга сабаб қовушиш юз берганидан сўнг келинчакнинг чўккалаб ўтирмаганидир. Шуни деб кўп ҳолларда асоссиз тушунмовчиликлар келиб чиқиши мумкин.

Гоҳида эса келин-куёв қовуша олмайди. Бунга ҳар иккиси тарафдан ҳам малум сабаблар бўлиши мумкин. Масалан:

Келиннинг жинсий қовушишга руҳан тайёр бўлмаслиги;
Биринчи никоҳ кечаси ҳақида турли уйдирмаларга ишониш;
Қўшилиш вақти куёвга меёридан ортиқ қаршилик кўрсатиш, оёқларни қисиб олиш, итариш, жисмоний оғриқдан хавфсираш эркак жинсий майлини кескин сўндирувчи омиллардир.

Ўз ўрнида йигит томонидан ҳам айрим хатоларга йўл қўйилади:

Ёрини қовушишга тайёрлай олмаслик;
Аёл жинсий азоларининг тузилиши ва ўзига хос хусусиятларини тушунмаслик;
Турли хил яллиғланиш касалликлари сабаб мизож сусайиши;
Жисмоний ва руҳий зўриқиш, сурункали чарчоқ.

Ўртамиздаги жинсий яқинликдан фақатгина у лаззатланади (мактуб).

Янгаларга айтар сўзимиз…

Зиммангизга юклатилган вазифага енгил қараманг. Имконини топиб, тўйдан бир неча ҳафта (бир неча кун эмас!) илгари келинчак билан бафуржа суҳбатлашинг. Биринчи никоҳ кечасини қандай тасаввур қилади, бу ҳақида нималарни биладию, қай тахминларига аниқлик киритишингиз керак. Албатта сўранг. Қовушиш олдидан таҳорат олиш, ундан кейин ювиниш қоидаларигача эринмай ўргатинг. Бу кейинги ҳаёти учун ҳам асқотади. Эр-хотин ўртасидаги нозик муносабатларнинг аҳамияти, аслида улар қандай бўлиши керак тушунтиринг. Иложи борича, соддароқ тилда гапирганингиз мақул. «Шу иш бўлмаса, бошимиз хам бўладия» каби пўписаларни эса бас қилинг. Қизгина шундоқ ҳам турли ўйлар билан банд. Камига сиз ҳам уни ташвишга қўйманг. Яхшиси қовушиш вақти нималарга амал қилиши, ўзини қандай тутиши сингари ҳолатларни ўргатинг.

Ҳая, эшик ортида пойлоқчилик қилишингизни такрорлайвериб, ёшларнинг кўнглига ғулғула солманг. Бу ҳам қовушиш пайти ҳавотирни пайдо қилиб, «Эшитиб қолишсачи?» деган ҳаёлга чорлайверади.

Куёв учун маслаҳатлар…

Биринчи никоҳ оқшомидан асосий мақсад тезроқ қовушиб, дефлорасияни амалга ошириш деб ўйламанг. Илк кеча таассуроти кейинги ҳаётингиз учун муҳимдир.
Ёрингизни суйиб-эркаланг, ундаги ваҳимани бартараф этиш учун ширин сўзларни айтинг. Асло қўрслик қилманг.
Жуфтингиз ўзини енгил сезиши учун ундаги жинсий майлни қўзғатиш лозим. Шунда қовушиш осон кечади.
Тўй югур-югурлари ҳолдан тойдириб, биринчи кечада жинсий майлнинг сустлиги кузатилиши мумкин. Аммо бу вақтинчалик ҳолат. Ўзингизни қўлга олинг.
Қовушиш вақти мижоз сустлиги келиб чиқса, ваҳима қилманг. Бу қаттиқ ҳаяжон тасиридан. Бироз тинчланиб олинг.