Топишмоқ жавоблари билан

Кечқурун томга ғўза ёйсам,
Эрталабгача битта ҳам қолмабди.
(Юлдузлар)
Ақлли темир олам кезар.
(Йер суний йўлдоши)

Шохи бор, ҳўкиз эмас,
Эгари бор, от емас,
Хоҳлаган манзилингга
Етказади, минсанг бас.
(Ракета)

Пўлат қушим учди-кетди.
Бир зум ўтмай Ойга етди.
(Ракета)

Шамолдай учқур,
Йўқ оёғи ва қўли.
Кўзга кўринмас,
Чароғон юрган йўли.
(Электр токи)

Сув емас, симда оқар,
Ўт эмас, чироқ ёқар.
(Электр токи)

Ўзи қатор жойланган,
Бир-бирига бойланган.
Бир-бирини кузатар,
Беҳисоб нур узатар.
(Електр столбаси, ток)

Ўзи турар ўрнида,

Қўли кетган ҳар ёққа.
(Електр столбаси, ток сими)

Кечаси офтобдек,
Кундузи коптокдек.
(Лампочка)

Уйга осдик битта нок,
Ёп-ёруғ бўлди ҳар ёқ.
(Лампочка)

Уйимизга ин қўйган,
Тилла қушу тилла қуш.
Кеч кирганда яшнасанг,
Одамларнинг кўнгли хуш.
(Лампочка)

Тагида таглик,
Бошида қалпоқ,
Қалпоқ тагидан
Мўралаб чиқар.
(Стол лампаси)

Ўчоғи бор, мўриси йўқ,
Чўғи бору куяси йўқ.
(Електр плитка)

Ортиб, аччиқ қизил мева,
Оқ денгизда сузар кема.
(Дазмол)

Ташқари ёз, дим-олов,
Уйчамизда муз, қиров.
(Холодилник)

Бир ажойиб ишхона, ичи доим қишхона.
(Холодилник)

Тинмас битта,
Тинглар мингта.
(Радио)

Катта қути, кўзи бор,
Кўп томоша, сўзи бор.
(Телевизор)

Радио десам, радио емас,
Кино десам, кино емас.
Ешитасан сўзини
Ҳам кўрасан ўзини.
(Телевизор)

Жонсиз, тинглайди,
Қўлсиз, ёзади,
Тилсиз, сўзлайди.
(Магнитофон)

Бир туям бор, гулдироқ,
Ҳамма йери ялтироқ.
(Трактор)

Денгизда кема сузар,
Кетма-кет олтин узар.
(Пакҳта териш машинаси)

Уради ўроғи йўқ,
Йиғади тирноғи йўқ.
Дони бўлар қоп-қоп,
Янчади, тўқмоғи йўқ.
(Комбайн)

Гуриллаши тегирмондай,
Лекин тегирмон емас.
Учишлари ғажирдай,
Лекин ғажир емас.
(Самолёт)

Гур-гур этар, учар кетар,
Юртдан юртга одам элтар.
(Самолёт)

Узоқларга учса ҳам,
Талпиниб қанот қоқмас.
(Самолёт)

От миндим ола қашқа,
Чопдим тоғу тошқа.
(Самолёт)

Йўқдур қўлу оёғи,
На кўзи, на қулоғи,
Аммо унга бир қадам
Йер шари, Ою, Зуҳро.
(Космик кема)

Ғилдираксиз паровоз,
Паровозки жуда соз.
Денгизларда сузади,
Балиқлардан ўзади.
(Парокҳод)

Чўзилиб ётар нарвон,
Ундан ўтар уй-карвон.
(Темир йўл, поезд)

Кичик темир устида,
Шамолдек йелиб юрар.
Егаларим келсин, деб
Ҳар доим кутиб турар.
(Трамвай)

Кўзи ялтирайди,
Ичи қалтирайди.
(Автомашина)

Ёзда тойча,
Қишда хуржун.
(Велосипед)

Баланд темир уй юрар,
Бурни тоғларни сурар.
(Екскаватор)

Сен ичида турсанг тикка,
Олиб чиқар юксакликка.
(Лифт)

Бир уй бор:
Кўр бўлиб кирасан,
Кўзли бўлиб чиқасан.
(Мактаб)

Уйимиз нурдан,
Ўрганиш биздан,
Ўргатиш сиздан.
(Мактаб, ўқувчи, ўқитувчи)

Сандиқ тўла писта-бодом,
Очиб кўр, бўлсанг одам.
Хосияти кўп, олам-олам,
Териб ол уни ҳар дам.
(Китоб)

Қўл билан екилади,
Кўз билан терилади,
Оғиз билан ўрилади.
(Дафтар, ёзув)

Ранги ҳар хил,
Номи бир хил.
(Рангли қалам)

Тили пўлат шоввоз,
Сўзлай олмас беқоғоз.
(Ручка)

Худди бир айри у,
Қайси ҳарф екан бу.
(«Ш» ҳарфи)

Олмасанг ярим нафас,
Йўлдан ўтгани қўймас.
(Вергул)

Тим қора кичкина хол,
Тўхтатар йўлда дарҳол.
(Нуқта)

Шакли ўхшар ўроққа,
Доим тутар сўроққа.
(Сўроқ белгиси)

Худди ўхшар мирза теракка,
Йўлда доим турар тикка.
(Ундов белгиси)

Шаҳари бор, одами йўқ,
Дарёси бор, суви йўқ.
(Карта)

Тилла ёзувли дафтар,
Ичида гавҳар гаплар.
(Диплом)

Қўли йўқ, ликоп ушлар,
Қўшиғи дилни хушлар.
(Патефон)

Патниси бор, нони йўқ,
Ашулачи, жони йўқ.
(Патефон)

Бир вақтда олади,
Кўланкангиз қолади.
(Фотоаппарат)

Тарвузим бор уруғсиз,
Пичоқ билан кесилмас.
Кесганингда ҳам уни
Маза қилиб йеб бўлмас.
(Копток)

Укамга ўхшар ўзи,
Асло юмилмас кўзи.
(Қўғирчоқ)

Тойим бор, кишнамайди,
Йез чоғи ишламайди.
(Чана)

Сув остида турар пойлаб,
Ўлжага найзасин шайлаб.
(Қармоқ)

Сувга солсам ботмайди,
Балиқлар ҳам ютмайди.
(Қармоқ пўкаги)

Тепамда кўк дастурхон,
Дастурхонда ширмой нон.
Ширмой нон бир донадир,
Синдирилмас ҳеч қачон.
(Осмон, ой)

Кундуз куни ўчириб,
Тунда ёқа олмайсан.
(Қуёш)

Оламни кезиб бир-бирини излар,
Уларни юлдузлар кузатар.
(Қуёш, ой)

Кўкда қилич ярқирайди,
Сувда акси ялтирайди.
(Ой)

Тўнтарилган кўк қозонда
Олтин танга қайнайди.
(Осмон, юлдуз)

Кундузи кўрпа ёпар,
Кечаси очиқ ётар.
(Юлдуз)

Тунда чиқар онаси,
Неча минглаб боласи.
Бекинишар қўрққандан
Келиб қолса отаси.
(Ой, юлдуз, қуёш)

Оёғи йўқ, қўли йўқ,
Шошиб чопиб чиқар у.
Улкан замин бағридан,
Салом олиб чиқар у.
(Булоқ)

Оппоқ сочли бошлари,
Дарё бўлар ёшлари.
(Қорли тоғ)

Бола келар, бола келар,
Илк меҳр ола келар,
Силаб-сийлаб дарахтларга,
Гулдан маржон тақа келар.
(Баҳор)

Қишда оқ гул,
Баҳорда сув сочади.
Йел есганда,
Тумтарақай қочади.
(Булут)

Осмон чироғи
Ёнди-ю ўчди.
(Чақмоқ)

Чирмандаси осмонда,
Рақси йерда, ҳар ёнда.
(Момақалдироқ, ёмғир)

Пақири йўқ, сув сепар,
Тут қоққандай дув сепар.
(Булут, ёмғир)

Йерга тушса лой қилар,
Деҳқонларни бой қилар.
(Ёмғир)

Катта челак тешилди,
Ундан кўп сув тўкилди.
(Ёмғир)

Беқасамдан йўли бор,
Осмон-фалакда чиқар.
(Камалак)

Ёзиб кумуш поёндоз,
Совуқда елар шакар.
Шарбасиз ясар новвот,
Топинг сиз бермай шаҳар.
(Қор)

Январ бобо новвот сотди,
Олган едим қўлим қотди.
(Муз)